Dasturlarga kiritilgan loyihalarining amalga oshirilish jarayoni o‘rganildi.

Xalq deputatlari Bag‘dod tumani Kengashining 23-Qorako‘l saylov okrugi deputati Sh.Xoldarov tomonidan Kengash kotibiyati mudiri G‘.Abdullayev hamda O‘zLiDeP tuman Kengashi apparat rahbari R.Yegitaliyev bilan birgalikda mahalla fuqarolar yig‘inida Bag‘dod tumanini 2026-yilda ijtimoiy-iqtisodiy rivojlantirish dasturlariga kiritilgan investitsiya loyihalarining amalga oshirilish jarayoni joyiga chiqib o‘rganildi.

🔍 O‘rganish davomida hududda xizmat ko‘rsatish va sanoat yo‘nalishlarida amalga oshirilayotgan 10 ta loyiha bo‘yicha olib borilayotgan qurilish va tashkiliy ishlar, ularning bugungi holati hamda belgilangan muddatlarda foydalanishga topshirilishi yuzasidan amalga oshirilayotgan ishlar bilan yaqindan tanishildi.

📊 Shuningdek, loyihalarning bajarilish sur’atlari, mavjud muammolar va ularni bartaraf etish choralari muhokama qilinib, mas’ullarga investitsiya loyihalarini o‘z vaqtida va sifatli yakunlash, yangi ish o‘rinlarini yaratish hamda belgilangan ko‘rsatkichlarga erishish yuzasidan tegishli tavsiya va topshiriqlar berildi.

✅ Mazkur o‘rganishlar dasturlar ijrosini ta’minlash, hududning iqtisodiy salohiyatini oshirish hamda aholi bandligini ta’minlashga xizmat qiladi.