Qurılıs hám abadanlastırıw joybarları úyrenildi

Xalıq deputatları Bozataw rayonlıq Keńesi 1-sanlı «Palwash ataw» saylaw okruginen deputat A.Ibragimov hám 6-sanlı «Andijan» saylaw okruginen deputat Sh.Berdaxovlar tárepinen Bozataw rayonı Qurılıs hám úy-jay kommunal xızmeti bóliminde alıp barılıp atırǵan jumıslar úyrenildi.
Úyreniw dawamında Qaraqalpaqstan Respublikası Joqarǵı Keńesi Prezidiumınıń «Awır» rayonlar hám máhállelerdi kompleksli rawajlandırıw baǵdarlamaların tastıyıqlaw haqqındaǵı qararında belgilep berilgen tapsırmalar tiykarında rayon aymaǵında ámelge asırılıp atırǵan qurılıs hám abadanlastırıw obektleri menen tanısıldı.
Ásirese, xalıqtıń turmıs sharayatların jaqsılawǵa, infraqurılım obektlerin rawajlandırıwǵa hám rayon kórkin arttırıwǵa qaratılǵan joybarlardıń ámelge asırıw barısı kózden ótkerildi.
Sonday-aq, deputatlar rayon orayında xalıq ushın zamanagóy dem alıw orının jaratıw, jaslar hám shańaraqlarǵa qolay sharayatlar payda etiw maqsetinde joybarlastırılǵan «Dem alıw baǵı»n payda etiw joybarı menen tanısıp, joybardıń áhmiyeti, onda ámelge asırılatuǵın qurılıs jumısları boyınsha maǵlıwmatlar alındı.
Úyreniw juwmaǵında belgilenip atırǵan jumıslardıń sapalı hám óz waqtında orınlanıwın támiyinlew, joybarlardıń ámelge asırıw barısında jámiyetshilik baqlawın kúsheytiw hám rayon infrastrukturasın jáne de rawajlandırıw boyınsha tiyisli usınıslar bildirildi.