Fuqarolar qabuli o‘tkazildi

Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat A.Mannobov tomonidan tumanning “G‘azalkent” mahallasida fuqarolar qabuli o‘tkazildi.

Qabul davomida fuqarolar tomonidan chiqindilarni olib chiqib ketish xizmati hamda kadastr masalalari bo‘yicha murojaatlari tinglandi.

Har bir murojaat atroflicha o‘rganilib, ayrim masalalar yuzasidan fuqarolarga huquqiy tushuntirishlar berildi, shuningdek, chiqindilarni tashish xizmatini jadallashtirish yuzasidan mas’ullarga deputatlik so‘rovlari kiritish belgilandi.