22-umumiy o‘rta ta’lim maktabida yangi qo‘shimcha bino qurilishi o‘rganildi

22-umumiy o‘rta ta’lim maktabida yangi qo‘shimcha bino qurilishi o‘rganildi

Termiz tumanidagi At-Termiziy mahallasida joylashgan 22-umumiy o‘rta ta’lim maktabida barpo etilayotgan yangi qo‘shimcha bino qurilish ishlari Xalq deputatlari Termiz tuman Kengashi raisi S. Nazarov tomonidan joyiga chiqib o‘rganildi.

O‘rganish jarayonida qurilishning amaldagi holati, bajarilayotgan ishlar sifati, obyektda yaratilayotgan shart-sharoitlar hamda belgilangan me’yor va talablarga rioya etilishi ko‘zdan kechirildi. Shuningdek, qurilish-montaj ishlari jadvali, ishchi kuchi va zarur qurilish materiallari bilan ta’minlanganlik holati ham tahlil qilindi.

Tashrif davomida yangi qo‘shimcha bino foydalanishga topshirilgach, o‘quvchilarga yaratiladigan imkoniyatlar, o‘quv jarayonini yanada yaxshilash va maktabning moddiy-texnik bazasini mustahkamlash masalalariga ham alohida e’tibor qaratildi.

Mas’ullarga qurilish ishlarini sifatli va belgilangan muddatlarda yakunlash, shuningdek, barcha talab va standartlarga qat’iy rioya etish yuzasidan tegishli ko‘rsatmalar berildi.