Doimiy komissiya tomonidan navbatdagi nazorat-o‘rganish tadbiri Qo'chqorchi MFY okrugida o‘tkazildi

Doimiy komissiya tomonidan navbatdagi nazorat-o‘rganish tadbiri Qo'chqorchi MFY okrugida o‘tkazildi

⚖️O‘zbekiston Respublikasi Prezidentining 2025-yil 3-yanvardagi PQ–1-sonli qarori ijrosi yuzasidan hududlarda, ayniqsa “qizil” va “sariq” toifaga mansub mahallalarda jinoyatchilikni qisqartirish, huquqbuzarlik va korrupsion holatlarning oldini olish, profilaktik ishlarni tizimli tashkil etish hamda jamoat xavfsizligini mustahkamlash borasidagi ishlar tahlil qilindi.

🇺🇿Mazkur o‘rganishlarda Xalq deputatlari Quvasoy shahar Kengashining Korrupsiyaga qarshi kurashish, davlat organlari faoliyatida ochiqlikni ta’minlash va huquqiy masalalar bo‘yicha doimiy komissiyasi raisi M.Mexmonov, shahar IIB boshlig‘i J.Xasanov, adliya bo‘limi boshlig‘i A.Anvarov, shahar hokimi o‘rinbosari, Xotin-qizlar bo‘limi boshlig‘i N.Ubaydullayeva, O‘zbekiston mahallalari uyushmasi shahar bo‘limi rahbari B.Djaloldinov, okrug deputati A.Nazirov hamda kotibiyat xodimlari ishtirok etdi.

🔼O‘rganish ishlari Mahalliy Kengash deputati faoliyatining 24 ta ustuvor yo‘nalishining 20-bandi va tasdiqlangan ish rejasiga muvofiq Qo‘chqorchi mahalla fuqarolar yig‘inida tashkil qilindi.

⚪️Tadbir davomida Qo‘chqorchi MFY “yettilik” a’zolari tomonidan amalga oshirilgan ishlar yuzasidan muhokamalar o‘tkazilib, mavjud muammolarni hal etish, aholi bilan manzilli ishlash tizimini kuchaytirish, profilaktik choralarni yanada samarali tashkil etish hamda huquqbuzarliklarning oldini olish bo‘yicha mas’ullarga tegishli topshiriqlar berildi.

🚩 Hududlarda shu kabi hamkorlikdagi nazorat-o‘rganish tadbirlarini muntazam tashkil etish fuqarolar osoyishtaligini ta’minlash, jinoyatchilik va huquqbuzarliklarning oldini olish, shuningdek aholi manfaatlarini himoya qilishda muhim omil bo‘lib xizmat qiladi.