Savdo do‘konlaridagi narx-navolar va tadbirkorlik faoliyati o‘rganildi

Xalq deputatlari G‘ozg‘on shahar Kengashi raisi Z.Ro‘ziyev hamda kotibiyat mudiri F.Hojiyev shaharda yangi qurilayotgan bozor hududida bo‘lib, qurilish ishlari holati bilan tanishdi.

 Shuningdek, shahardagi savdo do‘konlarida aholi iste’moli uchun eng zarur mahsulotlarning narx-navosi, mahsulotlar yetarliligi hamda oilaviy tadbirkorlik subyektlari faoliyati o‘rganildi.

Mazkur o‘rganish O‘zbekiston Respublikasining “Oilaviy tadbirkorlik to‘g‘risida”gi O‘RQ-327-sonli Qonuni (2012-yil 26-aprel) talablari asosida olib borildi.

O‘rganish davomida:

asosiy iste’mol mahsulotlari narxlari;
mahsulotlar zaxirasi va yetarliligi;
oilaviy tadbirkorlik subyektlari faoliyati;
aholiga ko‘rsatilayotgan savdo xizmatlari sifati;
tadbirkorlar uchun yaratilgan sharoitlar ko‘rib chiqildi.
Mazkur o‘rganish aholini sifatli mahsulotlar bilan ta’minlash, tadbirkorlikni qo‘llab-quvvatlash hamda savdo xizmatlari sifatini yanada yaxshilashga xizmat qiladi.