🏛 XALQ DEPUTATLARI SHOVOT TUMANI KENGASHINING YIGIRMA OLTINCHI SESSIYASI BO‘LIB O‘TDI

📍 Xalq deputatlari Shovot tumani Kengashining yigirma oltinchi sessiyasi bo‘lib o‘tdi. Sessiyada tuman hokimining o‘rinbosarlari, deputatlar, tegishli idora va tashkilotlar rahbarlari hamda OAV vakillari ishtirok etdi.
📋 Sessiya davomida hududni ijtimoiy-iqtisodiy rivojlantirish, aholi murojaatlari bilan ishlash samaradorligini oshirish va mahalliy budjet mablag‘laridan oqilona foydalanishga oid qator masalalar muhokama qilindi.
🔹 Shovot tumani budjetining qo‘shimcha manbalari hisobidan mablag‘larni yo‘naltirish;
🔹 Aholi muammolari va murojaatlari bilan ishlash tizimini yangi bosqichga olib chiqish hamda Qarshi shahri tajribasi asosida jamoatchilik fikrini chuqur tahlil qilish bo‘yicha chora-tadbirlar rejasini tasdiqlash;
🔹 Shovot tumani Iqtisodiyot va moliya bo‘limi boshlig‘ining birinchi o‘rinbosari Dilshod Raximovich Abdullayevning tumanning 2026-yil I chorak mahalliy budjeti ijrosi yuzasidan hisoboti;
🔹 “Infratuzilma va ijtimoiy barqarorlik” jamg‘armasi mablag‘laridan foydalanish hamda mablag‘ ajratish;
🔹 Qunduz mahallasi hududida “Yashil bog‘” tashkil etish;
🔹 Tuman hokimining sessiyalar oralig‘ida qabul qilgan farmoyishlari;
🔹 “Yoshlar daftari” jamg‘armasi mablag‘lari hisobidan mablag‘ ajratish masalalari ko‘rib chiqildi.
💬 Muhokamalar davomida deputatlar tomonidan taklif va mulohazalar bildirildi.
✅ Kun tartibidagi barcha masalalar yuzasidan tegishli qarorlar qabul qilinib, ularning ijrosini ta’minlash bo‘yicha mas’ul tashkilotlarga vazifalar belgilandi.
🤝 Xalq deputatlari Shovot tumani Kengashi tomonidan hududni rivojlantirish, aholi farovonligini oshirish va mavjud muammolarni bartaraf etishga qaratilgan ishlar izchil davom ettiriladi.