Keksalarni e’zozlash, ularga hurmat-ehtirom ko‘rsatish – xalqimizga xos ezgu fazilat

Har yili oktabr oyining birinchi haftasi “Keksalar haftaligi” sifatida keng nishonlash belgilangan bo‘lib, “Keksalarga hurmat – yoshlarga ibrat” g‘oyasi asosida tumanimizda qator ma’naviy, ma’rifiy, madaniy tadbirlar o‘tkazilmoqda.

Bugun Boysun tuman Ariq-usti mahallasida idora va tashkilotlarda uzoq yillar ishlab nafaqaga chiqqan faol otaxon-onaxonlar bilan bir piyola choy ustida suhbat qilish uchun dasturxon yozilib osh tortildi.

Tadbirda “Nuroniy” jamg‘armasi tuman bo‘limi raisi E. Toshboyev, Ariq-usti mahalla fuqarolar yig‘ini raisi To‘lqin Murtazoyev,tuman Kengashi deputati Sh.Sadikov, nuroniy otaxon-onaxonlarimiz mamlakat rahbarining keksa avlod vakillariga e’tiboridan nihoyatda xursand, minnatdor ekanliklarini bildirib, shu kunlarga yetkazganiga shukronalar aytib, mamlakat tinchligi, el farovonligi, salomatligi uchun duoga qo‘l ochdilar.