Hokim yordamchisi faoliyati o‘rganildi

Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Xalq demokratik partiyasidan saylangan deputat J.Sadirov va kotibiyat xodimi M.Tursunbayeva tomonlaridan tumanning “Daxana” mahallasida faoliyat olib borayotgan hokim yordamchisi faoliyati o‘rganildi.

🔺O‘rganish jarayonida hokim yordamchisi tomonidan aholining bandligini ta’minlash, kambag‘allikni qisqartirish, fuqarolarni tadbirkorlikka jalb qilish, imtiyozli kreditlar va subsidiyalar ajratish bo‘yicha amalga oshirilgan ishlar tahlil qilindi. Shuningdek, “Temir daftar”, “Ayollar daftari” va “Yoshlar daftari”ga kiritilgan fuqarolar bilan ishlash holati, ularning muammolarini bartaraf etish yuzasidan ko‘rilayotgan chora-tadbirlar haqida ma’lumotlar olindi.

🔺Tashrif davomida mahalla fuqarolar yig‘ini raisi bilan ham suhbat o‘tkazildi. Suhbat chog‘ida mahalladagi ijtimoiy-ma’naviy muhit, aholini qiynayotgan dolzarb muammolar, obodonlashtirish ishlari, murojaatlar bilan ishlash hamda sektorlar hamkorligi masalalari muhokama qilindi.

🔺Mahalla raisi tomonidan aholining turmush darajasini yaxshilash, ijtimoiy himoyaga muhtoj oilalarni qo‘llab-quvvatlash va mahallada tinchlik-osoyishtalikni ta’minlash borasida amalga oshirilayotgan ishlar haqida axborot berildi. Deputat mahalladagi muammolarni o‘z vaqtida aniqlash va ularni hal etishda mahalla raisi hamda hokim yordamchisining o‘zaro hamkorligini yanada kuchaytirish muhimligini ta’kidladi.