“Shifokor” mahallasida "Yettilik" hamkorligi va tozalik masalasi o‘rganildi

Xalq deputatlari Termiz shahar Kengashi kotibiyati mudiri A.Ashurov Kengash deputati O.Lapasova saylov okrugiga qarashli “Shifokor” mahallasida navbatdagi o‘rganish ishlarini olib bordi.

💬 Tadbir davomida mahalla raisining hududdagi "yettilik" vakillari bilan hamkorlik yo‘nalishlari mahalliy Kengash deputatlari faoliyati uchun belgilangan “24 ta eng muhim yo‘nalish” doirasida atroflicha tahlil qilindi.

💬 Asosiy e’tibor quyidagilarga qaratildi:

▶️Aholi muammolarini birgalikda hal etishdagi muvofiqlashuv darajasi;
▶️Ijtimoiy himoyaga muhtoj oilalar bilan ishlashda "yettilik" a’zolarining birgalikdagi tashabbuslari;
▶️Hududdagi jinoyatchilikning oldini olish va sog‘lom muhit yaratishdagi hamkorlik.

💬 Shuningdek, o‘rganishlar davomida mahalladagi sanitariya-gigiyena holati, xususan, chiqindilarni o‘z vaqtida va muntazam olib ketilishi masalasi bevosita ko‘zdan kechirildi.

💬 O‘rganish yakunida aniqlangan kamchiliklarni bartaraf etish va ish samaradorligini oshirish bo‘yicha mahalla faollariga tegishli tavsiyalar va ko‘rsatmalar berildi.