Uchtepada so'nggi qo'ng'iroq tadbirlari

✨ Bugun Uchtepa tumanidagi 32 ta davlat umumta'lim maktablarini jami 4 198 nafar bitiruvchilar muvaffaqiyatli tamomladi. Quvonarlisi, ulardan 61 nafari oltin, 8 nafari esa kumush medal sohibiga aylandi.

✅ Prezidentimiz ta’kidlaganidek, bugungi bitiruvchi — ertangi muhandis, shifokor, olim, tadbirkor va Uchinchi Renessans bunyodkoridir. “O‘zingizga ishonib, hamisha olg‘a boring!” degan ezgu tilaklar esa barcha yoshlar uchun katta motivatsiya bo‘lib xizmat qilmoqda.

📇 Shuningdek, bugungi kungacha 200 nafardan ziyod bitiruvchilar muddatidan avval xorijiy oliy ta’lim muassasalariga o‘qishga qabul qilindi. Jami bitiruvchilar tomonidan 1 293 ta turli fanlar bo‘yicha sertifikatlar qo‘lga kiritilgani yoshlarimizning bilim va salohiyatidan dalolat beradi.

📊 Tumanimiz yoshlari “Yosh qutqaruvchilar” Respublika musobaqalari, “Vatanparvar” hamda “Shunqorlar” ko‘rik-tanlovlarida ham yuqori natijalarni qayd etib kelmoqda.

🗣 Shu munosabat bilan bugun o‘tkazilgan “So‘nggi qo‘ng‘iroq” tadbirlarida tuman deputatlari ham faol ishtirok etib, bitiruvchi yoshlarni samimiy tabrikladi hamda ularning kelgusi hayot yo‘liga oq yo‘l tiladi.

↗️ Aziz bitiruvchilar, sizlar Yangi O‘zbekistonning ertangi bunyodkorlari, xalqimizning ishonchi va tayanchisiz. Kelgusidagi barcha orzu-maqsadlaringizga erishishingizni tilaymiz!