XALQ DEPUTATLARI MUZRABOT TUMANI KENGASHINING YIGIRMA IKKINCHI SESSIYASI BO‘LIB O‘TDI

Tuman hokimligi majlislar zalida xalq deputatlari Muzrabot tumani Kengashining yigirma ikkinchi sessiyasi bo‘lib o‘tdi. Unda xalq deputatlari tuman Kengashi deputatlari, tuman hokimi va uning o‘rinbosarlari, ijro organlari, jamoat tashkilotlari hamda ommaviy axborot vositalari vakillari, kun tartibidagi masalalarga aloqador tashkilot va korxonalar rahbarlari ishtirok etdi.

Sessiyaga xalq deputatlari tuman Kengashi raisi Sayidali Mahmatqulovich Nurmahmatov raislik qildi.

Sessiya davomida tuman ijtimoiy-siyosiy hayotiga daxldor bo‘lgan 6 ta muhim masala deputatlar tomonidan atroflicha muhokama qilindi. Kun tartibidagi masalalar yuzasidan mas’ul rahbarlarning axborotlari tinglanib, deputatlar tomonidan qator savollar, taklif va mulohazalar bildirildi.

Muhokamalar jarayonida deputatlarning faolligi, sessiya materiallari bilan puxta tanishib chiqqan holda masalalarga yondashayotgani alohida sezildi. Bu esa mahalliy Kengash faoliyatida ochiqlik va mas’uliyat tamoyillari mustahkamlanib borayotganidan dalolat beradi.

Sessiya yakunida kun tartibidagi masalalar yuzasidan xalq deputatlari Muzrabot tumani Kengashining tegishli qarorlari qabul qilindi.

Shuningdek, sessiya jarayonlari “Facebook” ijtimoiy tarmog‘i orqali to‘g‘ridan to‘g‘ri efirda namoyish etildi.