Deputat mahallada Bog‘chalardagi sharoitlar: Ta’minot yaxshi, ammo tozalikka e’tibor kerak

 Bog‘chalardagi sharoitlar: Ta’minot yaxshi, ammo
tozalikka e’tibor kerak 

Xalq deputatlari tuman Kengashi deputatlari va Kengash
kotibiyati tomonidan maktabgacha ta’lim tashkilotlarida bolajonlar uchun
yaratilgan sharoitlarni, sog‘lom ovqatlantirish tizimini va sanitariya holatini
o‘rganish ishlari izchil davom ettirilmoqda. 

Navbatdagi nazorat tadbiri 14-Mingtepa saylov
okrugidan saylangan deputat («Adolat» SDP deputatlik guruhi a’zosi) B.
Abdurahmonov hamda Kengash kotibiyati bosh mutaxassisi G. Xudoyqulova tomonidan
Mingtepa hududidagi 8-sonli davlat maktabgacha ta’lim tashkilotida (MTM) amalga
oshirildi. 

O‘rganish davomida quyidagi ijobiy holatlar kuzatildi: 

Muassasa oshxonasining umumiy holati va tozalik
darajasi talab darajasida; 

Bolajonlar uchun mo‘ljallangan sifatli oziq-ovqat
mahsulotlari ta’minotchi tomonidan o‘z vaqtida va tizimli ravishda yetkazib
berilayotganligi aniqlandi. 

Mavjud kamchiliklar: Shu bilan birga, kuzatuv davomida
MTM hududida chiqindilarning o‘z vaqtida tartibga solinmagani va yig‘ilib
qolganligi aniqlandi. Bu esa muassasaning umumiy ko‘rkiga va dilni xira
qiladigan holat sifatida mas’ullarning e’tiborsizligini ko‘rsatadi. 

Jajji farzandlarimiz tarbiyalanayotgan maskanda
nafaqat ichki sharoit, balki atrof-muhit tozaligi va obodonlashtirish ishlari
ham namunali darajada bo‘lishi shart. 

Aniqlangan ushbu kichik kamchilikni qisqa fursatlarda
bartaraf etish, bog‘cha hududini doimiy toza va ozoda saqlash yuzasidan
muassasa rahbariyatiga tegishli ko‘rsatmalar berildi va ijrosi nazoratga
olindi. 

Telegram(http://t.me/PiskentTumaniKotibiyati) Facebook(https://www.facebook.com/share/1B4wErcYvP/