MAHALLADA HOKIM YORDAMCHISI FAOLIYATI OʻRGANILDI

 Oʻrganish davomida mahalladagi kambagʻallik darajasi 6,6 foizni tashkil etishi, kambagʻallik reyestrida 139 nafar fuqaro mavjudligi aniqlandi. Shuningdek, 32 nafar fuqaro tadbirkorlik faoliyatiga jalb etilgan, 18 nafarga imtiyozli kredit ajratilgan hamda 5 nafar fuqaro kasb-hunarga oʻqitilgani maʼlum boʻldi.

Oʻrganish jarayonida aholining bandligini oshirish, oilalar daromadini koʻpaytirish hamda kambagʻallikni qisqartirish yuzasidan olib borilayotgan ishlar muhokama qilinib, kelgusida bu boradagi ishlar samaradorligini yanada oshirish va yuqori natijalarga erishish boʻyicha tegishli vazifalar belgilab olindi.