Nogironligi bo‘lgan fuqarolarga yaratilgan imtiyozlar va ijtimoiy xizmatlar holati o‘rganildi.

Xalq deputatlari tuman Kengashining 25-Bobodo‘g‘i saylov okrugidan saylangan tuman Kengashi deputati O.Tilavov Oqrabot mahallasida istiqomat qilayotgan nogironligi bo‘lgan fuqarolarning holidan xabar olib, ular uchun davlat tomonidan ajratilgan imtiyoz va yengilliklarning amalda to‘g‘ri qo‘llanilishi holatini o‘rgandi.

Shuningdek, mahallaga biriktirilgan kompleks ijtimoiy xizmat ko‘rsatuvchi xodim faoliyati, aholiga ko‘rsatilayotgan xizmatlar sifati, ehtiyojmand oilalar bilan ishlash jarayonlari ham atroflicha ko‘zdan kechirildi. Fuqarolar bilan o‘tkazilgan muloqot davomida ularni qiynab kelayotgan masalalar, ijtimoiy yordam olishdagi muammolar hamda taklif va murojaatlar tinglandi.