Aholi bandligi - deputat e’tibor markazida

Xalq deputatlari Marg‘ilon shahar Kengashi deputati, 11-A.Navoiy saylov okrugi deputati Akbarova Nargizaxon Qaxxorovna tomonidan A.Yassaviy mahallasida aholi bandligini ta’minlash masalalari yuzasidan o‘rganish ishlari olib borildi.

O‘rganish davomida deputat “Zamin Zafar Omad” YTT faoliyati bilan yaqindan tanishdi. Mazkur tadbirkorlik subyekti tomonidan hudud aholisini ish bilan ta’minlash, ayniqsa xotin-qizlar bandligini oshirish borasidagi ishlar oʻrganildi.

Bugungi kunda korxonada 12 nafar fuqaro doimiy ish bilan band bo‘lib, shundan 7 nafari ayollarni tashkil etadi. Shuningdek, kasanachilik asosida ham xotin-qizlarni ish bilan ta’minlash yo‘lga qo‘yilgan bo‘lib, bu oilalar daromadini oshirish va mahalladagi ijtimoiy barqarorlikni mustahkamlashda muhim ahamiyat kasb etmoqda.

Deputat tomonidan tadbirkor faoliyatini yanada kengaytirish, yangi ish o‘rinlari yaratish hamda aholi bandligini oshirish bo‘yicha taklif va tavsiyalar bildirildi.