❗️Xalq deputatlari Yashnobod tumani Kengashi deputati Natalya Yurevna Odintsova “Katta Yangiobod” mahallasida fuqarolar murojaati asosida tuman hokimligiga deputat so‘rovi yubordi.

📌“Katta Yangiobod” mahallasidagi Chilon ota ko‘chasida joylashgan jamoat transporti bekati atrofi o‘rganilganda, 2023-yilda yer osti kabel tarmog‘i o‘tkazilgach, asfalt qoplamasi to‘liq tiklanmagani aniqlangan. Natijada yo‘l notekis holga kelib, fuqarolar, ayniqsa keksalar, ayollar va bolalar uchun yiqilish xavfi yuzaga kelmoqda.

📝Shu sababli hududni qayta o‘rganish va asfalt qoplamasini to‘liq tiklash bo‘yicha amaliy choralar ko‘rish so‘ralgan.

✅Ma’lumot uchun: deputat so‘rovi “Xalq deputatlari viloyat, tuman va shahar Kengashi deputati maqomi to‘g‘risida”gi Qonunning 5 va 8-moddalariga muvofiq yuborilgan.