Deputat nazorati

Xalq deputatlari Qibray tuman Kengashining 22-okrug deputati U,Noraliyev kotibiyat mudiri O.Toirov hamda kotibiyat bosh mutaxassisi A.Ashirmatov tomonidan “Darxon” mahallasida faoliyat yuritayotgan “mahalla yettiligi”ning ish samaradorligi o‘rganildi.
O‘rganish jarayonida mahallada aholi bilan ishlash tizimi, ijtimoiy muammolarni aniqlash va bartaraf etish bo‘yicha amalga oshirilayotgan chora-tadbirlar, yoshlar va xotin-qizlar bilan ishlash holati, shuningdek, profilaktika va bandlik yo‘nalishlaridagi ishlar tahlil qilindi.
Shu bilan birga, “mahalla yettiligi” a’zolari faoliyatini yanada takomillashtirish, aniqlangan kamchiliklarni bartaraf etish hamda ish samaradorligini oshirish yuzasidan tegishli tavsiyalar berildi.