Xalq deputatlari Boyovut tumani Kengashi

Hududdagi infratuzilma muammolari bartaraf etilmoqda

Tuman deputatlari A.Amanlikov, A.Odilov hamda viloyat deputati A.Bababbekov tomonidan tegishli tashkilotlar vakillari ishtirokida Boyovut tumani “Ijodkor” mahallasining “Yurtparvar” ko‘chasida mavjud muammolar o‘rganildi.

O‘rganishlar davomida hududdagi yo‘l, ichimlik suvi hamda kanalizatsiya tizimi bilan bog‘liq masalalarni bartaraf etish yuzasidan amalga oshirilayotgan ishlar ko‘zdan kechirildi.

Mutasaddilar tomonidan aholiga qulay shart-sharoit yaratish, infratuzilma holatini yaxshilash hamda mavjud muammolarni qisqa muddatlarda hal etish bo‘yicha tegishli chora-tadbirlar amalga oshirilayotgani ta’kidlandi.