Oziq-ovqat xavfsizligi masalalari yuzasidan tushuntirish ishlari olib borildi

Xalq deputatlari Samarqand viloyati Kengashi deputati G.Mirzayeva hamda Nurobod tumani Kengashi deputati X.Xazratovalar ishtirokida tumandagi 2-son Davlat maktabgacha ta’lim tashkilotida uchrashuv yig‘ilishi o‘tkazildi.

Uchrashuv davomida muassasada faoliyat yuritayotgan xodimlarga O‘zbekiston Respublikasining 2025-yil 3-fevralda qabul qilingan “Oziq-ovqat xavfsizligi to‘g‘risida”gi O‘RQ–1023-sonli Qonunining mazmun-mohiyati yuzasidan tegishli tushuntirishlar berildi.

Jumladan, aholini sifatli va xavfsiz oziq-ovqat mahsulotlari bilan ta’minlash, oziq-ovqat mahsulotlarini saqlash va tayyorlash jarayonlarida sanitariya-gigiyena talablariga qat’iy rioya etish, ayniqsa maktabgacha ta’lim muassasalarida tarbiyalanuvchilar uchun sog‘lom ovqatlanishni tashkil etish masalalariga alohida e’tibor qaratildi.

Shuningdek, xodimlarga oziq-ovqat xavfsizligini ta’minlash har bir mas’ul xodimning muhim vazifasi ekanligi ta’kidlanib, bu borada amalga oshirilishi lozim bo‘lgan chora-tadbirlar yuzasidan fikr almashildi.

Uchrashuv savol-javoblar va mulohazalarga boy tarzda o‘tdi.