Медициналық көрик

“Саламат жәмийет – күшли мәмлекет”

Өзбекстан ХДП Шымбай районлық Кеңеси басламасы менен “Кеңес” аўыл пуқаралар жыйыны аймағындағы 5-санлы Шаңарақлық поликлиникада “Саламат жәмийет – күшли мәмлекет” сүрени астында бийпул медициналық тексериў өткерилди.
Илажда Халық депутатлары Шымбай районлық Кеңесиндеги партия топары ағзасы А.Утепбергенова, районлық Шаңарақ ҳәм ҳаял-қызлар бөлими баслығы, партия белсендиси Г.Мамбетниязова, “Кеңес АШП” басланғыш партия шөлкеми баслығы Б.Баймурзаева, “мәҳәлле жетилиги” ўәкиллери, районлық медицина бирлеспеси ҳәм 5-санлы Шаңарақлық поликлиника шыпакерлери, сондай-ақ, аймақ турғынлары қатнасты.
Кеселликлерди ерте басқышта анықлаў ҳәм саламат турмыс тәризин кеңнен үгит-нәсиятлаў мақсетинде жәми 100 ден аслам пуқара бийпул медициналық тексериўден өткерилди. Медициналық тексериўден өткерилген 88 пуқара рентген тексериўинен, 52 пуқара УЗИ тексериўинен өткерилип, кеселлиги анықланған 5 пуқара емлениўи ушын жолламалар берилди. Сондай-ақ, 12 пуқараға бийпул дәри-дармақлар берилди