Xonadonbay o‘rganishlar — aholi muammolarini manzilli hal etish yo‘lida

Xalq deputatlari mahalliy Kengashi kotibiyati mudiri A.Nosirov hamda bosh mutaxassis A.Adxamov tomonidan “Urganchibog‘” mahalla fuqarolar yig‘inida faoliyat yuritayotgan ijtimoiy xodim O.Isanovaning ish faoliyati va aholiga ko‘rsatilayotgan ijtimoiy xizmatlar sifati joyiga chiqqan holda o‘rganildi.

O‘rganish davomida ishchi guruh vakillari mahallaning “So‘limbog‘” ko‘chasida istiqomat qiluvchi fuqaro N.Xamroqulova xonadoniga tashrif buyurib, uning yashash sharoiti, kundalik ehtiyojlari hamda ijtimoiy qo‘llab-quvvatlash holatini atroflicha o‘rgandilar.

Suhbat jarayonida fuqaroning mavjud muammolari, turmush sharoiti va xonadondagi ehtiyojlar yuzasidan fikr almashilib, ijtimoiy xodim tomonidan ko‘rsatilayotgan xizmatlarning samaradorligiga alohida e’tibor qaratildi.

O‘rganish natijalariga ko‘ra N.Xamroqulova yashash xonadonida ta’mirlash ishlarini olib borish bo‘yicha zaruriy ishlar amalga oshirild.

Ta’kidlanganidek, mahallabay va xonadonbay ishlash tizimi orqali aholining real muammolarini aniqlash, ehtiyojmand oilalarni manzilli qo‘llab-quvvatlash hamda fuqarolarning yashash sharoitlarini yaxshilash bo‘yicha ishlar izchil davom ettirilmoqda.

Xalq deputatlari Qo‘qon shahar Kengashi