Mahalla yettiligi faoliyati o'rganildi

O‘rganishlarda mahallada aholini ijtimoiy qo‘llab-quvvatlash, ehtiyojmand va kam ta’minlangan oilalarni aniqlash hamda ularga manzilli yordam ko‘rsatish bo‘yicha amalga oshirilayotgan ishlar atroflicha tahlil qilindi. Jumladan, mahalla ijtimoiy xodimi tomonidan ijtimoiy himoyaga muhtoj fuqarolarga ko‘rsatilayotgan xizmatlarning sifati, ijtimoiy nafaqalar va moddiy yordamlarni tayinlash jarayonining shaffofligi, shuningdek to‘lovlarning o‘z vaqtida amalga oshirilishi yuzasidan olib borilayotgan ishlar ko‘rib chiqildi.
Shuningdek, Oliy Majlisi Senati Kengashining 2025-yil 14-yanvardagi KQ-35-V-sonli Qaroriga asosan mahallalarda mavjud muammolarni aniqlash va ularni bartaraf etishda “mahalla yettiligi” bilan hamkorlikdagi ustuvor yo‘nalishlar yuzasidan o‘zaro kelishib olindi.