15-may — "Xalqaro oila kuni" munosabati bilan Muzrabot tumanida “Ibratli oila” ko‘krak nishoni sovrindorlari hamda tanlovda munosib ishtirok etgan tuman bosqichi g‘oliblarini taqdirlash marosimi bo‘lib o‘tdi

Tadbir davomida g‘oliblarga ko‘krak nishonlari, diplom va esdalik sovg‘alarini Muzrabot tumani hokimi, xalq deputatlari tuman Kengashi deputati Abdulla Mamatqulov hamda tuman Oila va xotin-qizlar bo‘limi boshlig‘i M. Tagayevalar tomonidan tantanali ravishda topshirildi.

Quvonarlisi, taqdirlanganlar safida xalq deputatlari viloyat Kengashi deputati Sobirov Eshqobil Xaldarovich va tuman Kengashi deputati Turdiqulov Komiljon Shoymurovichlarning  ham borligi alohida qayd etildi. Bu esa viloyat va tuman Kengashi deputatlari nafaqat saylovchilar orasida, balki oilaviy muhitda ham ibrat va namunali inson sifatida e’tirof etilayotganidan dalolat beradi.

Mazkur tadbirlar oilaviy qadriyatlarni keng targ‘ib qilish, yosh oilalarni har tomonlama qo‘llab-quvvatlash, o‘zaro hurmat va mehr-oqibat muhitini mustahkamlash, jamiyatda ahillik va birdamlikni yanada kuchaytirishga xizmat qilmoqda.