Xalq deputatlari Yashnobod tumani Kengashi deputati S.Suvonkulov tomonidan “Parvoz” MFY aholisidan kelib tushgan murojaat asosida tuman Ichki ishlar organlari faoliyatini muvofiqlashtirish boshqarmasi boshlig‘iga deputat so‘rovi yuborildi.

Unda Aviasozlar 1-mavze hududidagi yo‘laklarda noqonuniy savdo-sotiq, antisanitar holat va shovqin-suron aholi noroziligiga sabab bo‘layotgani qayd etildi.

❗️Deputat so‘rovida holatni joyiga chiqqan holda o‘rganish, noqonuniy savdoga chek qo‘yish, jamoat tartibini ta’minlash hamda hududga patrul xizmati xodimlarini biriktirish masalasini ko‘rib chiqish so‘raldi.