Sessiya juwmaǵı

Bozataw rayonı hákimliginiń májilisler zalında Xalıq deputatları Bozataw rayonlıq Keńesiniń gezektegi 22-sanlı sessiyası boyınsha deputatlar sessiya juwmaqları boyınsha pikirlerin bildirdi. 

Onda rayonlıq Keńes deputatları sessiyada kóterilgen áhmiyetli máseleler, qabıl etilgen qararlar hám alda turǵan wazıypalar boyınsha shıǵıp sóyledi.

Sessiyada shıǵıp sóylewshilerge rayondı social-ekonomikalıq rawajlandırıw, xalıqtıń múrájatların óz waqtında sheshiw, abadanlastırıw jumısların kúsheytiw hám byudjet qarjıların maqsetli jumsaw máselelerine ayrıqsha itibar qaratıldı. Sonday-aq Mákeme baslıqları tárepinen puqaralar menen úzliksiz ushırsıwlar alıp barıw, aymaqlardaǵı mashqalalardı úyreniw hám olardı sheshiw boyınsha ámeliy islerdi janlandırıw kerekligi atap ótildi.
Sessiya juwmaǵında qabıl etilgen qararlar hám belgilenip alıngan wazıypalardıń óz waqtında ámelge asırılıwın támiyinlew boyınsha tiyisli tapsırmalar belgilenip alındı.