Xalq deputatlari Paxtakor tuman Kengashi deputati Do'squlova Dilbar tomonidan deputatlik so‘rovi yuborildi.

Xalq deputatlari Paxtakor tumani Kengashi 15 – Pangat saylov okrugi deputati D.Do'squlova tomonidan tuman hududidan o‘tuvchi D-047 “Jizzax–Gagarin” avtomobil yo‘nalishidagi ko‘prikning texnik holati yuzasidan deputatlik so‘rovi tegishli mutasaddi tashkilotlarga yuborildi.

Mazkur so‘rov ko‘prikda aniqlangan yoriqlar va yemirilish holatlari, shuningdek ushbu holatning transport harakati va fuqarolar xavfsizligiga tug‘dirishi mumkin bo‘lgan xavflar yuzasidan yo‘naltirildi.

Deputatlik so‘rovida ko‘prikning texnik holatini zudlik bilan o‘rganish, muhandislik bahosini berish, aniqlangan kamchiliklarni bartaraf etish hamda zarur ta’mirlash ishlarini amalga oshirish bo‘yicha aniq choralar ko‘rish so‘raldi.