Xalq deputatlari Marg‘ilon shahar Kengashining Agrar, suv xo‘jaligi va ekologiya masalalari bo‘yicha doimiy komissiyasi yig‘ilishi bo‘lib o‘tdi.Y

Yigʻilishda kotibiyat mudiri A.Ermatov, doimiy komissiya a’zolari va yoshlar maslahat guruhi a’zolari ishtirok etdilar. Yigʻilishni doimiy komissiya raisi Z.Domilayev olib bordi.

Unda O‘zbekiston Respublikasi Sog‘liqni saqlash vazirligi Respublika o‘lat profilaktika markazi Farg‘ona filiali shahar bo‘limi boshlig‘ining 2026-yil birinchi choragida amalga oshirilgan faoliyati yuzasidan ma’lumotlari eshitildi.

Ta’kidlanganidek, hisobot davrida hududda sanitariya-epidemiologik osoyishtalikni ta’minlash, yuqumli kasalliklarning oldini olish hamda profilaktik tadbirlarni kuchaytirish borasida qator ishlar amalga oshirilgan.

Shuningdek, aholi salomatligini muhofaza qilish, kasalliklar tarqalishining oldini olish va monitoring tadbirlarini tizimli tashkil etish masalalariga alohida e’tibor qaratilgani qayd etildi.

Komissiya a’zolari tomonidan sohaga oid mavjud muammolar, profilaktik tadbirlarning samaradorligi hamda kelgusidagi ustuvor vazifalar yuzasidan fikr-mulohazalar bildirildi.