Xalq deputatlari Boyovut tumani Kengashi

Tuman Kengashi deputati X.Shayimova “Paxtakor” mahallasi hududida joylashgan 14-maktab binosida olib borilayotgan kapital ta’mirlash hamda qo‘shimcha 80 o‘rinli bino qurilishi jarayoni bilan tanishdi.

Mazkur obyektda “Boyovut obod diyor” MChJ tomonidan keng ko‘lamli qurilish va ta’mirlash ishlari amalga oshirilmoqda. Hozirgi kunda maktab hududi to‘liq o‘ralgan bo‘lib, bino ichki qismida ta’mirlash ishlari izchil davom ettirilmoqda.

O‘rganishlarga ko‘ra, qurilish ishlari 30 foizga bajarilgan bo‘lib, loyiha yakunini 2026-yil 15-avgustga qadar topshirish rejalashtirilgan.