Xalq deputatlari Olmazor tuman Kengashi deputati A.Xasanov, XDP partiyasi Olmazor tuman Kengash raisi X.Xamidovlar ishtrokida 315-sonli umumta’lim maktabdagi o’qituvchilar murojaatini tinglandi.

Mazkur uchrashuvdan ko‘zlangan asosiy maqsad ta’lim muassasasida mavjud muammolarni o‘rganish, o‘quv-tarbiya jarayoni sifatini oshirish hamda pedagog xodimlarning taklif va tashabbuslarini qo‘llab-quvvatlashdan iborat bo‘ldi.

Uchrashuv davomida o‘qituvchilarning mehnat faoliyatida uchrayotgan muammolar hamda ularni bartaraf etish yo‘llari yuzasidan atroflicha fikr almashildi. Shuningdek, pedagoglarning murojaatlari diqqat bilan tinglanib, har bir masala bo‘yicha aniq takliflar ishlab chiqildi.

Bildirilgan muammo va takliflarni tizimli ravishda hal etish, tegishli tashkilotlar bilan hamkorlikni kuchaytirish hamda nazoratni yo‘lga qo‘yish bo‘yicha zarur chora-tadbirlar belgilab olindi.