Xalq deputatlari Sardoba tuman Kengashi deputatlarining saylovchilar bilan uchrashuvlari

Sardoba tumanidagi “Birlashgan” va “Paxtakor” mahallalarida saylovchilar bilan uchrashuv tashkil etildi. Unda Xalq deputatlari Sardoba tuman Kengashi raisi Tashpulatov Rustam Rasulovich, saylovchilar bilan uchrashuv o'tkazdi.

Uchrashuvda Kengash raisi tomonidan Xalq deputatlari Sardoba tuman Kengashining faoliyati, deputatlarning asosiy vazifalari, hududlarda amalga oshirilayotgan ishlar hamda qabul qilinayotgan qonun va qarorlarning mazmun-mohiyati haqida saylovchilarga batafsil ma’lumotlar berildi.

 Sayyor qabul davomida fuqarolar tomonidan ichki ko'chalarni tamirlash drenajlari ishlamayotganligi fuqarolarning kadastr muammolari, infratuzilma, ijtimoiy soha hamda kundalik hayot bilan bog‘liq bir qator masalalar yuzasidan murojaatlar bildirildi. Murojaatlarning ayrimlari joyida ijobiy hal etildi boshqalarga huquqiy tushuntirishlar berildi qo‘shimcha o‘rganish talab etiladigan masalalar esa tegishli mutasaddi tashkilotlarga yo‘naltirildi va ijrosi nazoratga olindi.

 Deputatlar tomonidan hududlarda olib borilayotgan o‘rganishlar, sayyor qabullar, aholi bilan ochiq muloqotlar fuqarolarning muammo va takliflarini tizimli ravishda o‘rganish hamda ularni hal etishda muhim ahamiyat kasb etmoqda.