Markaziy dehqon bozorida oziq-ovqat mahsulotlari narxlari o‘rganildi

🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq Kengash raisi O.Babayev, kotibiyat mudiri J.Sadirov, kotibiyat xodimi M.Tursunbayeva tomonlaridan aholini arzon va sifatli oziq-ovqat mahsulotlari bilan ta’minlash, bozorlarda narx-navo barqarorligini o‘rganish maqsadida tumandagi markaziy dehqon bozorida monitoring o‘tkazildi.

🔷O‘rganish davomida go‘sht, sut va sut mahsulotlari, sabzavot va mevalar, un va yog‘ mahsulotlari kabi asosiy turdagi oziq-ovqat mahsulotlari narxlari tahlil qilindi. Shuningdek, mahsulotlarning sifati, savdo jarayonlarining shaffofligi hamda sanitariya holatiga ham аlohida e’tibor qaratildi.

🔷Deputatlar tomonidan bozor ma’muriyatiga ayrim mahsulotlar narxlarining asossiz oshirilishi holatlariga yo‘l qo‘ymaslik, aholiga qulay sharoitlar yaratish va tadbirkorlar tomonidan belgilangan tartib-qoidalarga qat’iy rioya etilishini ta’minlash bo‘yicha tegishli tavsiyalar berildi.

🔷Mazkur o‘rganish aholi manfaatlarini himoya qilish, ichki bozorda narxlar barqarorligini ta’minlash hamda oziq-ovqat xavfsizligini mustahkamlashga xizmat qiladi.