Xalq deputatlari Chilonzor tuman Kengashi deputati Imomov Sanjarali Tolqinovich tomonidan Tirsakobod MFY hududida joylashgan 33-sonli oilaviy poliklinika filialining amaldagi holati atroflicha o‘rganildi.

O‘rganish jarayonida mazkur filial binosi uzoq yillardan buyon foydalanib kelinayotgani, buning natijasida inshootning texnik holati sezilarli darajada eskirgani hamda kapital ta’mirga muhtoj holga kelib qolgani aniqlandi.

Mazkur holatni inobatga olgan holda, filial binosida kapital ta’mirlash ishlarini amalga oshirish zarurligi alohida qayd etildi. Ushbu masala yuzasidan tegishli tashkilotlar mas’ul xodimlari, mahalla yettiligi a’zolari hamda soha mutasaddilari ishtirokida ishchi uchrashuv tashkil etildi.

Uchrashuv davomida filialni qisqa muddatlarda ta’mirlash ishlarini yo‘lga qo‘yish, mavjud infratuzilmani yaxshilash hamda aholiga ko‘rsatilayotgan tibbiy xizmat sifatini yanada oshirishga qaratilgan chora-tadbirlar muhokama qilindi. Shuningdek, homiylar tomonidan mazkur filial binosini ta’mirlash ishlarini qo‘llab-quvvatlashga tayyor ekanliklari bildirildi.

Yig‘ilish yakunida filialni kapital ta’mirlash bo‘yicha aniq chora-tadbirlar rejasi ishlab chiqilib, mas’ullarga tegishli vazifalar yuklatildi hamda ishlarni tizimli va belgilangan muddatlarda amalga oshirish bo‘yicha kelishuvga erishildi.