Deputat nazorati

Xalq deputatlari Qibray tuman Kengashi 15-okrug deputati To‘xtanazarova Gul’nora Maxmadjonovna tomonidan tuman tibbiyot birlashmasining tug‘ruq bo‘limi faoliyati o‘rganildi.

O‘rganish jarayonida bo‘limda yaratilgan shart-sharoitlar, tibbiy xizmat sifati, zamonaviy tibbiy jihozlar bilan ta’minlanganlik darajasi hamda onalar va yangi tug‘ilgan chaqaloqlarga ko‘rsatilayotgan parvarish holati atroflicha tahlil qilindi. Shuningdek, tibbiyot xodimlarining faoliyati, bemorlar bilan ishlash madaniyati va sanitariya-gigiyena talablariga rioya etilishi masalalariga alohida e’tibor qaratildi.

Mazkur o‘rganish aholi, xususan, onalar va bolalarga ko‘rsatilayotgan tibbiy xizmat sifatini yanada oshirishga xizmat qiladi.