DEPUTAT NAZORATI

Xalq deputatlari Oltinsoy tuman Kengashi tomonidan hududlarda olib borilayotgan qurilish va infratuzilma ishlari ustidan tizimli deputatlik nazorati amalga oshirilmoqda. 

Jumladan, tuman Kengashi kotibiyati mudiri M. Xujanov, tuman Kengashi deputatlari A. Mamatmuratov, D. Turopova hamda kotibiyat bosh
mutaxassislari A. Esanov va I. Roziqovlar tomonidan “Mustaqillik” 10-yilligi mahallasida joylashgan 13-sonli umumta’lim maktabi qurilishi bilan bog‘liq
infratuzilma ishlari holati joyiga chiqib o‘rganildi. 

O‘rganish jarayonida qurilish ishlari sifati, muhandislik-kommunikatsiya tarmoqlarining tortilishi, hududni obodonlashtirish masalalari hamda belgilangan muddatlarga rioya etilishi yuzasidan tahlillar o‘tkazildi. 

Aniqlangan kamchiliklarni bartaraf etish, ishlar sifatini yanada oshirish hamda belgilangan muddatlarda yakunlash yuzasidan mas’ul tashkilotlarga tegishli tavsiyalar va topshiriqlar berilib, ularning ijrosi deputatlik nazoratiga olindi. 

Deputat xalq manfaatlari yo‘lida xizmatda! 

  ✍️Oltinsoy tumani Kengash Kotibiyati Axborot xizmati