Xalq deputatlari Boyovut tumani Kengashi

Xalq deputatlari tuman Kengashi deputati M. Mirzajonova tomonidan aholidan kelib tushgan murojaatlar mahalla faollari bilan hamkorlikda joyiga chiqib o‘rganildi.

O‘rganish jarayonida 2-guruh nogironi Rasulberdiyevaning sog‘lig‘ida muammolar mavjudligi aniqlandi. Hozirda uning oyog‘i jarohatlangan bo‘lib, mustaqil harakatlana olmayotgani, viloyat shifoxonasida davolanayotgani hamda bemorning nogironlik aravachasiga ehtiyoji borligi tasdiqlandi.

Shuningdek, deputat tomonidan Sh. Rashidov nomidagi oilaviy shifokorlik punktida (OSHP) olib borilayotgan ta’mirlash ishlari bilan tanishildi. Tibbiyot muassasasi xodimlari bilan o‘tkazilgan suhbat davomida mavjud muammolar muhokama qilindi.

Xususan, ichimlik suvi ta’minotini yaxshilash hamda eskirgan hojatxonani ta’mirlash ishlarini tegishli smeta hujjatlariga kiritish masalalari ko‘tarildi.

O‘rganish yakunlari bo‘yicha aniqlangan muammolarni bartaraf etish yuzasidan tegishli tashkilotlarga taklif va tavsiyalar berildi.