Xalq deputatlari Zomin tuman Kengashi raisi D.Begmatova va kotibiyat mudiri M.G'oibnazarovlar “Inson ijtimoiy xizmatlar markazi”da bo‘lib, ijtimoiy xodimlar faoliyatini yanada samarali tashkil etish hamda olib borilayotgan ishlar bilan yaqindan tanishdi.

Tashrif davomida markazda aholiga ko‘rsatilayotgan ijtimoiy xizmatlar sifati, ijtimoiy xodimlarning faoliyati, murojaatlar bilan ishlash holati atroflicha o‘rganildi.

Shuningdek, tuman Kengashi qaroriga asosan ijtimoiy xodimlar uchun kompyuter jamlanmalari xarid qilish hamda ijtimoiy reyestrda turgan 11 nafar fuqaroning uy-joylarini ta’mirlash uchun ajratilgan mablag‘larning maqsadli sarflanishi yuzasidan o‘rganish olib borildi.

O‘rganish jarayonida ajratilgan mablag‘lardan samarali foydalanish, belgilangan ishlarning o‘z vaqtida va sifatli bajarilishi hamda ijtimoiy himoyaga muhtoj fuqarolarni qo‘llab-quvvatlash bo‘yicha amalga oshirilayotgan ishlar muhokama qilindi.