Xalıq bántligin támiyinlew hám sociallıq máseleler boyınsha úgit-násiyat is-sharası bolıp ótti.

2026-jıl 27-aprel kúni Taxtakópir rayonı «Qaraoy» awıl puqaralar jıyını aymaǵındaǵı 10-sanlı mektepte xalıq bántligin támiyinlew, kambaǵallıq hám jumıssızlıq dárejesin qısqartıw boyınsha úgit-násiyatlaw ushırasıwı bolıp ótti. 

Ushırasıwda Xalıq deputatları rayonlıq Keńes sekretariatı baslıǵı T.Jusipov, aymaq deputatı V.Dawletyarova, Joqarǵı Keńes deputatı A.Alliyarova hám de rayonlıq Kambaǵallıqtı qısqartıw hám bántlikke kómeklesiw bólimi baslıǵı orınbasarı A.Baymbetov hám «Insan» sociallıq xızmeler orayı baslıǵı orınbasarı R.Maxsetbaevlar qatnasıp saylawshılarǵa jańadan qabıl etilgen qarar hám nızamlar, sonıń ishinde Qaraqalpaqstan ushın qabıl etilgen qarar, pármanlardıń mazmun-mánisin túsindiriwge qaratılǵan úgit-násiyat jumısları alıp barıldı.

Sonday-aq, awıllıq jerde jumıssızlıqtı qısqartıw, jaslar hám hayal-qızlardı jumıs penen bánt etiw boyınsha jańa jobalar hám imkaniyatlar keńnen túsindirildi.

Ásirese, hayal-qızlarǵa mámleketimiz tárepinen jaratılıp atırǵan jeńillikler haqqında tolıq maǵlıwmatlar berildi. Ushırasıw dawamında puqaralardı qızıqtırǵan sorawlarǵa juwap berilip, olardıń pikir-usınısları tıńlandı.

Bunday úgit-násiyat ilajları xalıqtıń huqıqıy sanasın arttırıw hám bar imkaniyatlardan nátiyjeli paydalanıwǵa xızmet etedi.