Sport infratuzilmasi joyida o‘rganildi

Sport infratuzilmasi joyida o‘rganildi

Xalq deputatlari Muborak tumani Kengashi 20-Istiqlol saylov okrugi deputati Jo'rayeva Gulchehra Fayzullayevna hududdagi 34-maktabda bo‘lib, ta’lim muassasasining sport zali, undagi sport anjomlari hamda jihozlarning holatini joyida o‘rgandi.

🔺 O‘rganish davomida maktab sport zali zamonaviy talablarga mos holda jihozlangani, barcha zarur sharoitlar yaratilgani aniqlandi. Sport anjomlari yetarli bo‘lib, ularning texnik holati yaxshi saqlangan.

🔺Shuningdek, sport zalidan o‘quvchilar va hudud yoshlari samarali foydalanayotgani qayd etildi. Maktab ma’muriyati tomonidan tumandagi sport tadbirlari aynan ushbu maktabda doimiy ravishda yuqori saviyada o‘tkazib kelinayotgani ta’kidlandi.

📊 Mazkur maktab sport infratuzilmasi tumanda sport tadbirlarini yuqori saviyada tashkil etish uchun yetarli imkoniyatlarga ega bo‘lib, bu yerda doimiy ravishda turli sport tadbirlari tashkil etib kelinmoqda.

✔️ Bu esa yoshlar o‘rtasida sog‘lom turmush tarzini keng targ‘ib qilish, ularni sportga jalb etish hamda iqtidorli yoshlarni qo‘llab-quvvatlashda muhim ahamiyat kasb etadi.