Shahar Kengashi deputati A.Mahkamov Marg‘ilon shahrida amalga oshirilayotgan muhim loyihalardan biri — tarixiy muzey qurilishi jarayoni bilan tanishdi.

Mazkur loyiha “Abbos Prom Stroy Investor” MChJ tomonidan, rahbar N.Boydadaev boshchiligida olib borilmoqda.

Deputat oʻrganishda qurilish ishlarining borishi, loyiha sifati hamda belgilangan muddatlarga rioya etilishi masalalariga alohida e’tibor qaratdi. Mutasaddilar tomonidan berilgan ma’lumotlarga ko‘ra, muzey zamonaviy me’moriy yechimlar asosida barpo etilmoqda va u Marg‘ilonning boy tarixiy-madaniy merosini keng jamoatchilikka namoyish etishga xizmat qiladi.

Qurilish jarayonida ishlatilayotgan materiallar sifati, xavfsizlik choralari hamda ishchi kuchining tashkil etilishi ham deputat tomonidan o‘rganildi. 

Shuningdek, u mazkur muzey nafaqat shahar aholisi, balki sayyohlar uchun ham muhim maskanga aylanishini, bu esa hududning turizm salohiyatini yanada oshirishga xizmat qilishi kutilmoqda.