Mahallada hokim yordamchisi faoliyati o‘rganildi

Xalq deputatlari Muzrabot tumani Kengashi kotibiyati bosh mutaxassisi B.Xoliqov kunlik Ish rejaga asosan tuman Kengashi deputati Ollomurodov Otabek saylangan 14-Xalqabod saylov okrugiga qarashli “Yangi hayot” mahallasida o‘rganish ishlarini olib bordi.

Navbatdagi ushbu o‘rganishda mahalladagi hokim yordamchisi tomonidan amalga oshirilayotgan ishlar bilan yaqindan tanishdi.

O‘rganishlar davomida hududda aholi bandligini ta’minlash, tadbirkorlikni rivojlantirish, ijtimoiy muammolarni hal etish hamda fuqarolarning murojaatlari bilan ishlash borasida olib borilayotgan ishlar o‘rganildi. Shu bilan birga mahalladagi mavjud muammolar, ularning yechimi yuzasidan amalga oshirilayotgan chora-tadbirlar muhokama qilindi.

Tuman Kengashi kotibiyati xodimi tomonidan mahallada ishlar samaradorligini yanada oshirish, aholining dolzarb muammolarini tizimli hal etish yuzasidan tegishli tavsiyalar berildi hamda barcha masalalar nazoratga olindi.