Fuqarolar sayyor qabuli o‘tkazildi

🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq Kengash raisi O.Babayev tomonidan tuman hokimi-deputat J.Axmedov, deputat F.Axmedov, kotibiyat xodimi N.Kurganova, tuman prokurori o‘rinbosari F.Qosimov va tumanning barcha korxona va tashkilot rahbarlari ishtirokida tumanning “Sijjak” mahallasida fuqarolar sayyor qabuli o‘tkazildi. 

🔷Sayyor qabulda fuqarolar tomonidan ichki yo‘llarni asfaltlashtirish, mahallaning markaziy qismiga bankomat o‘rnatish, ichimlik suvi hisoblagichlarini o‘rnatish ishlarini nihoyasiga yetkazish, tibbiyot muassasasini tashkil etish, tashqi reklamalarni joylashtirish, avtomobil yo‘llari yoqalarida chakana savdo faoliyatini ko‘rib chiqish, qattiq maishiy chiqindilarni olib chiqib ketish xizmati sifati, maktabgacha ta’lim tashkiloti faoliyatini kengaytirish, daydi va qarovsiz hayvonlarni tutib ketish, daryo qirg‘og‘ini mustahkamlash kabi dolzarb masalalar bo‘yicha murojaatlar bildirdilar.

🔷Kelib tushgan murojaatlarning aksariyati joyida tushuntirish berish va tezkor chora ko‘rish orqali hal etildi. Muddat talab etiladigan murojaatlar yuzasidan tegishli mas’ullarga vazifalar yuklatildi hamda ijrosi nazoratga olindi.