“Bir mahalla – bir tashabbus” aksiyasi Parkent tumanida

“Bir mahalla – bir tashabbus” aksiyasi Parkent tumanida

“Mahallani rivojlantirish va jamiyatni yuksaltirish yili” doirasida O‘zbekiston Xalq demokratik partiyasi tomonidan “Bir mahalla – bir tashabbus” aksiyasi tashkil etildi. 

Unda viloyat deputatlari A.Umaraliyev va M.Nizomiddinov, tuman deputatlari, partiya xodimlari, Yoshlar parlamenti a'zolari, hamda hokimyati vakillari ishtirok etishdi.

Aksiya doirasida mahallalardagi mavjud muammolar aholi bilan bevosita muloqot asosida, joyiga chiqqan holda manzilli va tizimli o‘rganildi hamda ularni bartaraf etish yuzasidan aniq amaliy chora-tadbirlar belgilandi.

Xususan, 12-fevral kuni Parkent tumani Shampan mahalla fuqarolar yig‘inida joylashgan 18-sonli umumta’lim maktabida o‘rganishlar olib borildi. Ma’lum qilinishicha, 2026-yilgi reja asosida mazkur maktab binosini kapital ta’mirlash uchun 7 milliard 200 million so‘m mablag‘ ajratilgan. Hozirda qurilish-ta’mirlash ishlariga doir loyiha-smeta hujjatlari rasmiylashtirilmoqda.

https://t.me/TV_Kengash