HUDUDDA INFRATUZILMANI YAXSHILASH ISHLARI O‘RGANILDI

Xalq deputatlari tuman Kengashi deputati A.Toirov, kotibiyat bosh mutaxassisi M.Mahmudov hamda O‘zbekiston Liberal-demokratik partiyasi tuman Kengashi apparat rahbari A.O‘rmonova tomonidan Guzarboshi mahalla fuqarolar yig‘inida infratuzilmani yaxshilash borasida amalga oshirilgan ishlar joyiga chiqqan holda o‘rganildi.

O‘rganish jarayonida mahalla hududida aholi uchun qulay shart-sharoitlar yaratish, yo‘l-transport infratuzilmasini yaxshilash hamda hududni obodonlashtirishga qaratilgan ishlar atroflicha ko‘zdan kechirildi.

Jumladan, Murabbiy ko‘chasiga tungi yoritish chiroqlari o‘rnatilib, aholining xavfsiz harakatlanishi uchun zarur sharoitlar yaratigan. Shuningdek, ichki yo‘llar asfaltlanib, fuqarolarning kunlik qatnovi uchun qulayliklar ta’minlangan.