Deputat Taxtakópir rayonı málimleme kitapxana orayıda alıp barılıp atırǵan jumıslar menen tanıstı.

Búgin Xalıq deputatları Taxtakópir rayonlıq Keńesine ÓzLiDeP partiyasınan saylanǵan deputat Seytnazarova Zamira Abdikamalovna hámde rayonlıq Keńesi janında Jaslar máslahát toparı aǵzaları birgelikte Taxtakópir rayonı málimleme kitapxana orayına barıp ol jerde oraydıń jumısı, kitap fondı, oqıwshılar hám jaslar ushın jaratılǵan sharayatlar menen jaqınnan tanıstı. Jaslar menen ashıqtan-ashıq sóylesiw ótkerilip, olardıń kitapqumarlıqqa bolǵan qızıǵıwshılıǵı, pikir-usınısları tıńlandı.