MAHALLA YETTILIGINING FAOLIYATI VA AHOLI MUAMMOLARI E’TIBOR MARKAZIDA

Xalq deputatlari Termiz tuman Kengashi kotibiyati mudiri A.Avliyakulov hamda 14-sonli “Surxon” saylov okrugidan saylangan deputat Dj.Taxchiyeva bilan birgalikda Jo‘yjangal MFY hududida o‘rganish ishlari olib borildi.

O‘rganish davomida asosiy e’tibor quyidagilarga qaratildi:

Mahalla yettiligi faoliyati: Hududda aholi bilan ishlash tizimi, “Mahallabay” ishlash samaradorligi tahlil qilindi.

I chorak hisoboti: Joriy yilning birinchi choragi davomida Hokim yordamchisi tomonidan tadbirkorlikni rivojlantirish va bandlikni ta’minlash borasida qilingan ishlar, shuningdek, Ijtimoiy xizmat xodimi tomonidan ehtiyojmand oilalarga ko‘rsatilgan amaliy yordamlar bilan yaqindan tanishildi.

Muammolar tahlili: Mahalla raisi bilan birgalikda hududdagi infratuzilma, ichimlik suvi, elektr ta’minoti va yo‘llarning holati ko‘zdan kechirildi.

"Deputat va mahalla faollari hamkorligi — aholi muammolarini tezkor va sifatli hal etishning eng samarali yo‘lidir."

O‘rganish jarayonida aniqlangan muammolar yuzasidan tegishli tashkilotlarga deputatlik so‘rovlari yuborilishi va ijrosi qat’iy nazoratga olinishi belgilab olindi.