Alpomis mahallasida mahalla yettiligi bilan mazmunli uchrashuv o‘tkazildi

“Deputatlar kuni” munosabati bilan hamda “Deputat — mahallada” loyihasi doirasida Xalq deputatlari Namangan shahar Kengashi deputatlari Nosirjon Ubaydullayev va Obidjon Yusupov Alpomis mahallasida bo‘lib, mahalla yettiligi bilan mazmunli uchrashuv o‘tkazdilar.

Uchrashuvda yurtimizda amalga oshirilayotgan islohotlar, xususan, Prezidentimiz rahnamoligida olib borilayotgan xalqparvar siyosatning mazmun-mohiyati sodda va tushunarli tarzda yetkazildi. Mazkur muloqot nafaqat axborot berish, balki ishonch va hamjihatlikni mustahkamlashga xizmat qildi.

Samimiy suhbat jarayonida mahallaning buguni va ertasi haqida ochiq fikr almashildi. Mahalla faollari tomonidan hududdagi mavjud muammolar, aholini o‘ylantirayotgan masalalar tilga olinib, ularning yechimi bo‘yicha amaliy takliflar bildirildi.

Deputatlar har bir murojaat yuzasidan atroflicha o‘rganib chiqib, masalalarni tegishli tartibda hal bo‘yicha zarur choralar ko‘rilishini ta’kidladilar.

Bunday uchrashuvlar hududlardagi muammolarni joyida o‘rganish, aholi bilan ochiq muloqotni yo‘lga qo‘yish hamda samarali hamkorlikni mustahkamlashda muhim ahamiyat kasb etadi.