Hududlarda infratuzilma ishlari o‘rganildi

Xalq deputatlari Termiz tuman Kengashi raisi S. Nazarov, kotibiyat mudiri A. Avliyakulov hamda bosh mutaxassislar T.Murodov tomonidan tumandagi “Sh. Rashidov” va “Quyoshli yurt” mahallalarida amalga oshirilayotgan ishlar joyiga chiqib o‘rganildi.

Xususan, mazkur hududlarda ichki yo‘llarga yotqizilgan asfalt qoplamasining sifati va bajarilgan ishlar holati mas’ul rahbar N. Berdiyev ishtirokida ko‘zdan kechirildi.

O‘rganish davomida yo‘l infratuzilmasini yaxshilash borasida amalga oshirilayotgan ishlar aholining qulay harakatlanishi, xavfsizligi va turmush sifatini oshirishda muhim ahamiyat kasb etayotgani alohida ta’kidlandi.

Bu kabi amaliy ishlar hududlarni yanada obod qilish va aholi farovonligini ta’minlashga xizmat qiladi.