XALQ DEPUTATLARI CHILONZOR TUMANI KENGASHINING IJTIMOIY SOHA, YOSHLAR SIYOSATI, MADANIYAT VA SPORT MASALALARI BO‘YICHA DOIMIY KOMISSIYASI TOMONIDAN O‘RGANISH ISHLARI OLIB BORILDI.

Xalq deputatlari Chilonzor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi M.Nazirov va komissiya a'zolari R.Xidiyatulina, M.Kim tomonidan tumandagi maktabgacha ta’lim muassasalarining faoliyati atroflicha o‘rganildi. 

✍️Mazkur o‘rganish O‘zbekiston Respublikasi Prezidenti Administratsiyasi rahbarining 2025-yil 13-sentabrdagi 40-son topshirig‘i ijrosini ta’minlash, shuningdek, hududda ijtimoiy soha muassasalari faoliyatini yanada rivojlantirish, xizmatlar sifati va samaradorligini oshirishga qaratilgan chora-tadbirlar dasturi asosida tashkil etildi.

➡️O‘rganish davomida maktabgacha ta’lim muassasalarining faoliyati kompleks tarzda tahlil qilinib, xususan, ta’lim-tarbiya jarayonining sifati, xodimlarning kasbiy tayyorgarligi, moddiy-texnik baza holati, bolalar uchun yaratilgan shart-sharoitlar hamda sanitariya talablari ijrosi o‘rganildi.

➡️Shu bilan birga, muassasalarda hujjatlar yuritilishi, ichki tartib-qoidalar ijrosi, ota-onalar bilan hamkorlik darajasi va xizmat ko‘rsatish jarayonlarining ochiqligi yuzasidan ham tegishli tahlillar olib borildi.

✔️O‘rganish yakunlari bo‘yicha aniqlangan kamchiliklarni bartaraf etish, mavjud imkoniyatlardan samarali foydalanish hamda faoliyat samaradorligini yanada oshirish yuzasidan mas’ullarga tegishli ko‘rsatma va tavsiyalar berildi.

✔️Doimiy komissiya tomonidan mazkur yo‘nalishda nazorat ishlari izchil davom ettiriladi.