Deputat fuqarolar bilan ochiq muloqot o‘tkazdi

Xalq deputatlari Zarbdor tuman Kengashiga 11-Oqbuloq saylov okrugidan saylangan deputat T.Qodirov tomonidan Oqar mahallasi fuqarolari bilan uchrashuv o‘tkazildi.

Uchrashuvda tuman hokimining o‘rinbosari, tuman IIB boshlig‘i hamda tegishli tashkilotlardan mutaxassislar ishtirok etib, hududdagi dolzarb masalalar yuzasidan ochiq muloqot tashkil etildi.

Tadbir davomida fuqarolar tomonidan turli yo‘nalishlarda murojaatlar, taklif va muammolar ilgari surilib, ularni hal etish bo‘yicha mas’ullarga tegishli topshiriqlar berildi.

Mazkur uchrashuv aholi bilan to‘g‘ridan-to‘g‘ri muloqotni kuchaytirish, muammolarni joyida hal etish hamda fuqarolarning murojaatlariga tezkor yechim topishda muhim ahamiyat kasb etmoqda.